जिम्मेवारी दिने हैन

परिवर्तन आईसकेको छ, प्रजातन्त्र आईसकेको छ
गणतन्त्र आईसकेको छ, राष्ट्रपती भईसकेको छ।
हराउने हराईसकेका छन्, ज्यान गुमाउनेले गुमाईसकेका छन्
भागबण्डा भईसकेका छन्, कुर्ची घुमाईसकेका छन्।

अब त आउना बाँकी हैन हुन बाँकी छन्
जनताहरु लडेर, भिडेर र रोएर थाकिसकेका छन्।
अब त प्रगती र विकाश हुनुपरेको छ
काला, मैला र धमिला नितीहरुलाई सफासँग धुनुपरेको छ।

अब त बाटोघाटो र पिउने पानीको खाँचो छ
आउनुहोस, अगाडि बढौं, ढोका खोल्न लिनुपर्छ साचो।
जिम्मेवारी दिने हैन लिने व्यक्तिको खाँचो छ
तपाई हामीले गर्‌यौं भने विकाश हैन अति बिकाश हुने कुरा साँचो छ।
हाँसौं र हसाऔं भन्ने अभियानले बढौं अगाडि
झन झन तिब्र गतीमा बढौं अगाडि, छैन फाईदा फर्की फर्की हेरेर पछाडि।।