माओवादी प्रस्तावको टुंगो शुक्रबार लाग्ने संभावना

संसदबाट गणतन्त्रको घोषणा र पूर्ण समानुपातिक निर्वाचन प्रणालीसम्बन्धी माओवादी प्रस्तावबारे शुक्रबार अन्तिम टुंगो लगाइने नेताहरुले बताएका छन्।

संसदमा सात दलबीच मत विभाजन हुन नदिन सहमतिको खोजी गर्ने उद्देश्यले दलहरुकै आग्रहमा सभामुख सुवासचन्द्र नेम्वाङ्ले संसदको बैठक शुक्रवार बिहानसम्मकालागि स्थगित गरेका थिए।

दिनभरमा सहमति हुन नसकेपछि नेकपा माओवादीले बिहीबार नै मतदान गराउने प्रयास गरेको थियो।
आफ्ना सहयोगीहरु डा. बाबुराम भट्टराई र रामबहादुर थापा बादलका साथ झण्डै दिनभरजसो सिंहदरवारमा रहेका माओवादी अध्यक्ष प्रचण्डले भने, "अन्य दलहरुको आग्रहमा भोलिसम्म सहमतिको पहल गर्न शुक्रवारसम्म संसद स्थगित गर्ने सहमति भयो। "

सातदलका शीर्ष नेताहरुबीच पटक पटक भएको बैठक सहमति जुटाउन असफल भएपछि संसदमा छलफल थालिएको हो।

तर विगतमा प्रधानमन्त्री निवास वालुवाटारमा हुने गरेका सहमतिको खोजी केही दिन यता संसद भवन रहेको सिंहदरवारमा घनिभूत बनेको छ।

अघिल्ला दिनहरु जस्तै बिहीबार पनि नेपाली कांग्रेस, नेकपा एमाले र नेकपा माओवादी लगायतका दलका नेताहरुबीच सामूहिक र छुट्टा छुट्टै छलफल भएका थिए, जसमा नेपाली कांग्रेसका कार्यवाहक सभापति सुशील कोइराला, नेकपा माओवादीका अध्यक्ष प्रचण्ड र नेकपा एमालेका झलनाथ खनालको टोली क्रियाशील थियो।

दिनभरको प्रयास सार्थक हुन नसके पनि त्यो जारी रहेको नेपाली कांग्रेसका नेता महेश आचार्यले बताए।
उनले भने, "सहमतिको प्रयत्न अन्तिम अवस्थासम्म पनि जारी रहेको छ।"

'वाम सहमति'

माओवादी अध्यक्ष प्रचण्डले सहमति हुन नसके मतदानबाट भए पनि संसदको छलफल शुक्रवार सम्पन्न गरिने बताएका छन्।

उनका अनुसार नेपाली कांग्रेस सहमतिमा नआए एमाले र माओवादी लगायतका वामपन्थी दलहरुको मत एउटै प्रस्तावमा खस्ने अवस्था छ।

माओवादीको प्रस्ताव र त्यसप्रति एमालेको संशोधन प्रस्ताव एकीकृत हुने सम्भावनाबारे उनले भने, "साँझसम्मको छलफलले सबै गणतन्त्रवादी र समानुपातिक निर्वाचन प्रणालीलाई स्वीकार्नेहरुको भोट एकै ठाउँमा पर्ने सम्भावना छ।"

त्यसको विधिबारे अध्यक्ष प्रचण्डको भनाइ थियो, "प्रस्ताव फिर्ता लिने वा एउटामा एकअर्काले मत दिने अथवा संशोधन सहितको सहमतिको अर्को नयाँ प्रस्ताव तयार हुन पनि सक्छ। "

उनले नेपाली कांग्रेससँग सहमति हुन सक्ने सम्भावना अझै बौकी रहेको पनि बताए।
तर हाम्रा काठमाण्डूस्थित संवाददाता भन्छन्, दलहरुबीच सहमतिको प्रयासले मूर्त रुप लिइनसकेकाले शुक्रवार मतदान भयो भने त्यसको परिणाम यसै हुन्छ भन्न सकिने अवस्था छैन।

अरु थप खबरको लागि यँहा थिच्नुहोस।


मेरो बिचार :
"तुरुन्तै गणतन्त्रको घोषणा नभई नहुने कारण चाँहि के होला? नेपालि जनतालाई तन्त्रको भन्दा बिकासको खाँचो छ। मन्त्र त जवानादेखि नै राम्रो थियो नि काम नभएर नेपालको अबास्था यस्तो भएको हैन र?"

चेत बुढाथोकी

कोइरालाद्वारा छिट्टै सहमतिमा पुगिने विश्वास व्यक्त

प्रधानमन्त्री गिरिजाप्रसाद कोइरालाले संसदमा विचाराधीन माओवादी प्रस्ताववारे छिट्टै निर्णयमा पुगिने विश्वास व्यक्त गरेका छन्।

चिकित्सकहरुको राष्ट्रिय संगठन, नेपाल मेडिकल एसोसियसनको तेइसौं राष्ट्रिय सम्मेलनको उदघाटनकालागि गृहनगर बिराटनगर आइपुगेका प्रधानमन्त्री कोइरालाले अहिले उत्पन्न गतिरोध खासै ठूलो समस्या नभएको बताए।

तर सहमतिको सूत्र के हुनसक्छ भन्ने चाहिं उनले बताएनन्।

पूर्ण समानुपातिक निर्वाचन प्रणाली र गणतन्त्रको घोषणासंबन्धी माओवादी प्रस्तावबारे अन्तरिम संसदको विशेष अधिवेशनमा छलफल जारी रहेपनि कुनै टुंगो लागेको छैन।

दुई घन्टा लामो बिराटनगर बसाइका क्रममा प्रधानमन्त्री कोइरालाले राजनीतिक गतिरोध अन्त्यकालागि तत्काल निष्कर्ष मा पुग्नु जरुरी रहेको बताए।

'पुच्छर अड्क्यो'
उनले भने, "हात्ती छि-यो, पुच्छर अडक्यो जस्तो भएको छ। यो समस्याको हामीले समाधान ग-यौं भने शान्ति, स्थायित्व र चुनाव पनि हुन्छ।"

हाम्रा बिराटनगरस्थित संवाददाता भन्छन्, निक्कै हतारमा देखिएका प्रधानमन्त्री कोइरालाले राष्ट्रको उन्नति संवाद र सहमतिबाट मात्र संभव हुने बताए।

उनले भने, "कुनै असमझदारी छ भने मिलाउनु पर्छ, अगाडि आइसके पछि लथालिंग पार्नुहुंदैन। पूर्णता दिनु पर्छ।"

सैनिक हेलिकोप्टरमा विराटनगर आएका कोइराला बिहीबार नै राजधानी फर्केका थिए ।
थप समाचारको लागि यँहा भिच्नुहोस्।

नेपालको राजनितिक समस्या भनेको शुरुदेखि नै रहिराखेको छ। राजनितिज्ञहरुले भनेको पुच्छर के हो आम नेपालीहरुले बुझ्नु जरुरि छ। पुच्छर किन छिर्न सकेन भनेर अगाडिबाट हेर्नु भन्दा कसैले पुच्छर तानिराखेको छ कि भनेर पछाडि हेर्नु जरुरि छ जस्तो लाग्छ।
चेत बुढाथोकी

कलिलो माया

कलिलो बिरुवा हो यो त

घाम र पानीबाट बचाउनु पर्छ।

 

कलिलो बिरुवा हो यो त

बेला बेलामा उचित मलजलको ब्यबस्था दिलाउनु पर्छ।

 

अहिले कलिलो बिरुवा हो यो त

तर छोट्टो समयमा यसले सित्तल छाँया दिन्छ।

 

कलिलो बिरुवा हो यो त

यसले  मिठो फल पनि दिन्छ।

 

कलिलो बिरुवा हो यो त

तर बुढो हुन्छ र नाङ्गै हुन्छ पनि

 

कलिलो बिरुवा हो यो त 

हुर्कन्छ बढ्छ र मिठो फसल दिन्छ

कलिलो बिरुवा हो यो त

बुढो हुन्छ र बिलाएर जान्छ पनि।

 

कलिलो बिरुवा हो यो त

सानो असरले गर्दा हराउन पनि सक्छ।

 

रोप, मलजल देउ, हुर्काउन बढाउन कोशिस गर

तर तिम्रो आकांक्षा पुरा भएन भनेर बिलाप नगर

तिमी तिमी नै हौ र बिरुवा बिरुवा नै हो

तिमीले बिरुवा रोप्नुपर्छ तर

बिरुवाले तिमीलाई रोप्न सक्दैन।

नेपाली राष्ट्रिय गान

गतवर्षको जनआन्दोलनको सफलताले ल्याएको राजनीतिक परिवर्तनसँगै सरकारले कतिपयद्वारा राजाको भक्तिगान भनि आलोचना गरिएको पुरानो राष्ट्र गान बजाउन बन्द गरि खुल्ला प्रतिष्पर्धाद्वारा नयाँ राष्ट्रिय गान छनौट गरेको हो।

जुन गान सभामुख सुवास नेम्वाङले संसद सचिवालयमा पहिलो पल्ट सार्वजनिक गरेका थिए।

नयाँ गान

सयौं थुँगा फूलका हामी एउटै माला नेपाली

सार्वभौम भई फैलिएका मेची- महाकाली।

प्रकृतिका कोटीकोटी सम्पदाको आँचल

वीरहरुका रगतले स्वतन्त्र र अटल

ज्ञानभूमि शान्तभूमि तराइ पहाड हिमाल

अखण्ड यो प्यारो हाम्रो मातृभूमि नेपाल

बहुल जाति भाषा धर्म संस्कृति छन् विशाल

अग्रगामी राष्ट्र हाम्रो जय जय नेपाल।

 

केही महिना अघि नै छनौट भएको व्याकुल माइला उपनामका ओखलढुंगे युवा प्रदीपकुमार राईको यो आठ हरफ रचना संगीतको अभावमा बज्न सकेको थिएन।

साउन १६ गते मन्त्रिपरिषद् बैठकले वरिष्ठ संगितकार अम्बर गुरुङद्वारा सृजित संगीत छानेपछि नयाँ राष्ट्रिय गानले पुर्णता पाएको हो।

यससंगै बखतबहादुर बुढापिर्थिको संगीतमा चक्रपाणि चालिसेले लेखेका ' श्रीमान गम्भीर नेपाली प्रचण्ड प्रतापी भूपति' विस्थापित भएको छ।

नयाँ गानमा संगीतकार गुरुङले १०- १० जना गायक-गायिकाको स्वर पनि भरेका छन्।

त्यसरी स्वर दिनेहरुमा यम बराल, ज्ञानु राणा, बिमला राई, राजेश पायल राई, सुनिता सुब्बा, अञ्जु पन्त, अजय थापा, अनिलमान महर्जन, गंगा न्यौपाने, चन्दा देवान, जयनन्द लामा, झुमा लिम्बु, नारायण ओली, बेनुका राई, राजेन्द्रमान श्रेष्ठ, राम गुरुङ, रीना भुषाल, रुपा झा, शिशिर योगी र सृजना श्रेष्ठ छन्।

ब्याकुलको रचना १२७२ रचना मध्ये उत्कृट ठहरिएको थियो।

सरकारले अम्बरका तीन, नेपाली सेनाका दुई र युवा संगीतकार न्युह बज्राचार्यको एउटा गरी ६ वटा संगीत सुनेपछि अम्बरको दोश्रो संगीतलाई धुनको रुपमा चयन गरेको संस्कृति, पर्यटन तथा नागरिक उड्डयन मन्त्री पृथ्वी सुब्बा गुरुङले जानकारी दिए।

संख्यात्मक एकरुपता नहुनुको कारणबारे मन्त्री पृथ्वी सुब्बा गुरुङले कसैलाई संख्या तोकेर नमागेको र जसले जति बुझायो तिनै संगीतबाट छनौट गरिएको बताए।

पुरानो राष्ट्रिय गानका शब्द राजाको भक्तिमा समर्पित रहेका टिप्पणी गर्नेहरुले नयाँ गानले सिंगो राष्ट्रलाई एकताको मालामा उनेको भन्दै गर्व गर्ने गरेका छन्।

तर नयाँ संगीत सहितको राष्ट्रिय गान बारे बिज्ञ र सर्वसाधारणका प्रारम्भिक प्रतिकृया मिश्रित देखिएको छ।

 

मुख्य समाचारको लागि यँहा क्लिक गर्नुहोस।

दाजुभाई

कसलाई भन्ने मेरो दाजु

कसलाई भन्ने भाइ

अनुहार भरि हाँसो भएपनि

रोईरहन्छ सुइको नपाई।

 

कसलाई भन्ने मेरो इष्ट

कसलाई भन्ने दुष्ट

एउटै घरमा बसे पनि

कहिल्यै हुन्न परिपुष्ट

 

कहिले भन्ने दिन अनि कहिले भन्ने रात

दिउसो पनि ज्योति छैन दिन्न कसैले साथ

दिनको भोक रातको निन्द्रा छैन केहि पनि

यस्तै गरि बित्ने होला हाम्रो जिन्दगानि।

 

राजनिति र राजनितिज्ञ

रमाईलो छ नेपालको राजनिति

रमाईला छन् नेपालका राजनितिज्ञ

ठुलो सोरले भाषण दियो भने नेता बन्न र

दाह्री लामो पारेर ढुङ्गा मुढा गर्यो भन्न मसाल बन्न सजिलो छ।

रमाईलो छ नेपालको राजनिति।

 

कुरो र कुलो जँहा पनि जान्छ

तर पानी उँधो मात्र जान्छ भन्ने राम्रो थाहा

पाएका नेताहरु,

कुरो राम्रो बोल्छन, मिठो बोल्छन

जनताको लागि युद्ध गर्छौ भन्ने  बिश्वाश दिलाउछन।

तिर्खाएका जनतालाई मरुभुमितिर धकेल्छन

कुकुरले हड्डि छोड्ला

तर नेताहरु पानीको मुल छोड्दैनन्।

रमाईलो छ नेपालको राजनिति

रमाईला छन्  नेपालका राजनितिज्ञ।

 

जनताको लागि युद्धको घोषणा गर्ने नेताहरु

देशको शुरक्षाको लागि युद्ध शुरु गर्ने नेताहरु

जनतालाई अगाडि पठाउछन्

जनतालाई जनताबाटै मारिन्छन

आखिर लड्ने र मर्ने जनता नै हुन,

यहि बिषयलाई लिएर नेताहरु अधिबेषण बस्छन

भत्ता लिन्छन र हाँसिखेलि दशै मनाउछन।

रमाईलो छ नेपालको राजनिति र

रमाईला छन नेपालका राजनितिज्ञ।

 

नँया नेपालको श्रिजना गर्ने भाषण दिन्छन

दिनदिनै नेपाल भत्काउछन् बिगार्छन

दिनदिनै परिबर्तन हुने नेपालको नाममा

नेताहरु बाच्न पाएका छन्।

 

अब नेपाललाई राजनितिज्ञको खाँचो छैन

नेपाललाई त कडा परिश्रम गर्ने नेपालीको आवश्यकता छ

मेरो घर पनि नबनाउने, अरुको घर पनि भत्काईदिने नेताहरुको खाँचो हैन

भत्केका घरहरुको मर्मत गर्ने कर्मिहरुको खाँचो छन।

टुहुरा बच्चाबच्चिहरु, बिधुवा महीलाहरु र

छोरालाई पहिले स्वर्गको ढोकातिर घचेटिदिने बाउहरु देख्न नपर्ने

शान्तिमय र बिकसित नेपालको अपेक्षा छ।

 

किन होला

हिजो हिजो नै हो

आज पनि आज नै हो

भोलि पनि भोलि नै हुन्छ

तर आज किन होला

मेरो मुटुको धड्कन बढेको छ।

 

आकाशबाट बर्सेको पानीले

शरिर निथ्रुकै भिजाएपनि पानी पानी नै हो।

आँखाबाट खसेका आँसुका थोप्लाहरु

गालाबाट नै बिलाएपनि

ह्रदयलाई चुर्लुम्मै डुबाउन सक्छन।

 

आँखाको एक थोप्ला आँशु भन्दा

आधिबेहरि खप्न सजिलो हुन्छ।

कसैको एक बचन बाण जस्तो बोलि

जिउदै मृत्युको ढोका ढकढकाए जस्तो लाग्छ।

 

रात परेपनि

झनझन बेलुकी हुदैछ
मेरो अघिपछि अध्यारोले ढाक्दैछ
चराचुरुङ्गी आ-आफ्नो गुँडमा जाँदैछन्
आकाशमा ताराहरु उदाउदैछन्।

अन्धकारले ढाकेपनि
मेरो साथ कोही नभएपनि
मेरो अगाडि घनघोर पहाडहरु भएपनि
म त सँधै अगाडि बढिराख्ने छु।

माया हैन कसरि भनौ

कलिला पातहरु बुढा भएका छन

बतास लाग्यो भने झर्न तयार छन।

समय बितिराखेको छ

कसैको यादै यादमा आँशु बगिराखेको छ।

 

माया भनौ माया हैन

कहिले गाठो खुस्किन्छ थाहा छैन

खोला बगिराखेको छ

पुलको माथिबाट हिडेराखेको छु

कहिले आधिबेहरि आँउछ थाहा छैन

आखिर दायित्व पुरा नगर्ने माया हैन।

 

माया हैन कसरि भनौ,

कसैको यादमा आशु बग्दछ।

माया हैन कसरि भनौ,

कसैको अगाडि रहँदा चेहरामा मुस्कान भर्दछ।

माया हैन कसरि भनौ,

कसैको सम्झनामा मुटु धट्कन्छ।

माया हैन कसरि भनौ,

आखिर माया नभए यो शुन्दर संसारको महत्व छैन।

दशै आयो

घर वरिपरि
रंगिबिरंगि फुलहरु
शरिरमा रंगिबिरंगि
बस्त्रहरु
अनुहारमा उज्याला मुस्कानहरु
ह्रदयमा बिभन्न उत्सुकताहरु

आँशुले भरिएका अनुहार हासोले
हासोले भरिएका अनुहार आँशुले
ठन्डिले कठाङ्ग्रीएका हस्तहरु
ह्रदयको तातो मायाले
बिर्सेका यादहरु
आधिबेहरी झै लरबराई राखेका छन।

कसैको यादमा आँसु
कसैको यादमा मुस्कान
कसैको यादमा तितो स्मरण
कसैको यादमा शुन्दरमय संसार

दशै आएर पो रहेछ।

म त एक यात्री हु

बिहानको घाम झै
जिन्दगीको शुरु हुन्छ
दिउँसोको तातो राप झै
जिन्दगीले दु:ख पाँउछ।
आकाशबाट बर्सेको झरी झै
आँखाबाट आसु झर्छ
यात्रा पुरा नहुँदै फेरि अर्को रात पर्छ।

हाँस्दा हाँस्दै हाँसो हराउछ
रुदा रुदै आँसु बिलाँउछ
यादै यादमा बर्सौ बित्छ
मुटुलाई सम्झनाको भारिले थिच्छ।

म त एक यात्रि हो आज मेरो यँहि घर हो
म त एक यात्रि हो
नयाँ माटोको बास्ना सुँघ्नु मेरो लागि ठुलो अबशर हो
म त एक यात्रि हो
कहिले मेरो यात्रा पुरा हुन्छ थाहा छैन
म त एक यात्रि हो
यहि संसारमा घुमिरहन्छु।
म त एक यात्रि हो
यहि संसारमा घुमिरहन्छु।


चेत बुढाथोकी

आकाशको पानी

बादल तड्पीरहेको छ
कसैको खोजिमा, कसैको रोजिमा
गड्याङ गुडुङ भड्कीरहेको छ
कसैलाई तड्पाउन, कसैलाई फकाउन।

बर्षा चलिराखेको छ
कसैलाई रुझाउन, कसैलाई भिजाउन
बादल दौडिराखेको छु
कसैलाई भेटाउन, कसैलाई भुल्न।

बादल तड्पीरहेको छ
यो मन भड्कीरहेको छ
आँसु बगिराखेको छु
मुटु दुखिराखेको छु
कसैको खोजिमा, कसैको रोजिमा।

चेत बुढाथोकी